عرض الاهتمامات المحدودة على مستوى الاد سيت في مدير الإعلان
في العادي انت تقدر تبحث عن الجمهور اللي عايز تستهدفه بناءاً على اهتماماتهم، ودا من خلال الاستهداف التفصيلي، وتقدر تكتب أي كلمة مفتاحية تعبر عن المطلوب، وعلى سبيل المثال "فاشون" وهتطلعلك اقتراحات كتير بشكل تلقائي، لكن القائمة دي قصيرة جدا يا دوب 25 اقتراح فقط لاغير.
لكن لسة في كتير ما ظهرش في الواجهة الأصلية اللي بيقدمها الفيسبوك وانت بتعمل الإعلان.
من الواضح ان فيسبوك محدد عدد محدود فقط هو اللي يظهرلك، ومع ذلك لسة في الإمكان الوصول للاهتمامات المخفية.
هوضحلك بالظبط إزاي توصل لكل الاهتمامات المختلفة المتعلقة بالكلمة الرئيسية.
وفي النهاية هيبقا عندك شيت كامل شامل فيه كتيييييير من الاهتمامات وكل دا متفرع من اهتمام رئيسي واحد
أولا إنشاء تطبيق من خلال الفيسبوك
أولا هتدخل على حسابك في فيسبوك ديفيلوبر واعمل زي اللي في السكرين اللي تحت
محتمل تلاقي تطبيقات قبل كدا لو انت بالفعل كنت عامل تطبيق قبل كدا او بتجرب اي حاجة، ولو ما فيش هتعمل تطبيق جديد بالضغط على الزرار الاخضر اللي فوق على اليمين.
هتلاقي عندك بعض الاوبشنات لاختيار نوع التطبيق اللي هتعمله، ونظرا لاننا هنستخدم الادز مانجر يبقا نوع التطبيق هيكون بيزنس، ودا منطقي بالنسبة لي
إملا البيانات اللي ؤدامك من حيث اسم التطبيق، الايميل، الغرض منه وما إلى ذلك وبكدا تبقا عملت خطوة مهمة في انشاء تطبيق على الفيسبوك. مع مراعاة ما تكتبش اسم البراند فيسبوك نفسه سواء عربي اوي انجليزي في خانة اسم التطبيق عشان مش هيوافق على الاسم.
المزيد من الاهتمامات
بعد كدا هنستخدم التطبيق اللي عملناه في إيجاد الاهتمامات بشكل أكبر بكتير من المحدود في الواجهة العادية للادز مانجر. وعشان نعمل دا كمل معايا الخطوات اللي جاية في الداشبور
الاختيار دي بيخلي في تبادل للمعلومات ارسال واستقبل مع منصة الفيسبوك، وإنه البوابة الرئيسية لجمع بيانات الاهتمامات اللي انت عايزها.
هتحدد التطبيق اللي لسة عاملينه حالا وتدوس على
الفيسبوك هيعمل فحص سريع كدا وبعدها هتلاقي كوووود طووويييل ودا من خلاله بيتم الوصول للبيانات المطلوبة من خلال التطبيق اللي علمناه.
وهتلاقي على الشمال اختيارات كتير هنستخدم منهم فقط اللي موضح في السكرين فقط
اعمل نسخ للكود اللي كتبتهولك تحت دا:
search?type=adinterest&q=fashion&limit=1000000&locale=en_EG
وهتضيفه في المكان الموضح في السكرين اللي تحت وتدوس انتر
سحب داتا الاهتمامات
الخطوة اللي بعد كدا هي استخراج كل الاهتمامات دي بحيث نقدر نعرضها بشكل مستقل
https://graph.facebook.com/search?type=adinterest&q=fashion&limit=1000000&locale=en_EG&access_token=
في آخر اللينك اللي مكتوب فوق دا ما تكتبش اي حاجة لان التوكن اللي ظهرلك في الاول مدة صلاحيته قصيرة جدا ودا هيخلي في تقييد في المدة الزمنية اللي هتستخدم فيها الاداة.
وعشان نطول المدة دي هنعمل الاتي وتدوس على العلامة الزرقا الصغيرة دي وبعدها هتدوس على
ومن هنا هتدوس على الزر الموضح في السكرين
وهتاخد الكود الجديد اللي ظهر بالاخضر تحت وتحطه جنب علامة "=" في اللينك اللي فوق وتاخد اللينك كوبي وتفتح في تاب تانية واتفرج على احلى كلام.
إضافة الاهتمامات اللي تم استخراجها في جوجل شيت
هتفتيح الشيت دا على الدرايف عندك وتعمل منه كوبي هتدوس على file وبعدها make a copy
وهتروح من تحت خالص على الشيت اللي اسمه "تعديل" وهتقف على اول خانة وهتضيف التوكن الجديد اللي باللون الاخضر بعد ما طولنا مدته وهتضيفه بعد علامة "=" مباشرة.
وترجع تاني للشيت الأساسي هتلاقي خانة باللون البرتقالي هي اللي هتكتب فيها الكلمة الرئيسية او الاهتمام الاساسي بتاعك وهتدوس إنتر وفي ثواني هتلاقي مئات الاهتمامات المخفية ما كنتش ممكن تشوفها قبل كدا في الواجهة العادية بتاعت فيسبوك ادز، وتقدر تكرر العملية دي اكتر من مرة زي ما انت عايز.
الخلاصة
- باستخدام الاداة اللي معاك دلوقتي تقدر تتعمق اكتر واكتر وتلاقي جماهير محتملة تستخدمها في حملاتك.
- دور على استهدافات محدش شافها قبل كدا وابني جمهور اكثر استهدافاً ودي حاجة هتديك ميزة تنافسية كمسوق.
- بعد ما تجرب الاداة، عايزك تشاركني ايه اللي لقيته مفيد وتشاركني تجربتك واستفسارك والاضافة الجديدة ليك من خلال نفس البوست اللي دخلت منه على المقالة دي من هنا
ليست هناك تعليقات:
إرسال تعليق